Undervisninga vil fokusere på teknisk kunnskap av sjølve handverket i kunsten. Handverket er ein føresetnad for eksperimentering, og skulen skal ha grundig undervisning i ulike kunstteknikkar. Me ønskjer å leggje vekt på ei utdanning der materiallære er høgt verdsett. Kva lærarkrefter skulen vil ha knytt til seg vil vere med og forme innhaldet. Hovudretningane av fag ønskjer me i utgangspunktet vil vere desse:
  • Teikning/maling (Fine Art)
  • Skulptur, glas og keramikk(tredimensjonal Fine Art)
  • Kunstterapi (Art Therapy)
  • Me vil i tillegg leggje vekt på å kunne tilby kunsthistorie, kunstnarisk kommunikasjon, etablerarlære, landskapskunst, med meir

Undervisninga vil vere modulbasert og me tar sikte på at det skal gå over to skuleår.

Filosofien vil fokusere på individuell rettleiing. Studentane skal få eit solid teknisk grunnlag, og arbeide med evna å klare å sjå sitt eige potensiale i kunsten, samtidig sjå kva som skal til for heile tida forbetre seg. Dette er viktig for å styrke si eiga merksemd på utvikling.
Ved å skape ein dialog om kunsten både på tomannshand og i plenum, skal studentane bli betre til å lære å kjenne sine sterke og svake sider utan at det kjennest som ein trussel. Me skal konkretisere studentane si evne til å tru på sine eigne prosjekt, ved å vere handgripeleg i dialogen