Me fekk støtte frå Hardangerrådet og Kvam Herad til å gjennomføra eit forprosjekt for Hardanger Kunstskule. Forprosjektet har føregått i perioden 12 januar 2006 til 14. februar 2007.

I dette arbeidet har me granska føresetnader og forhold rundt skuleetablering både breidt og djupt. Me har satt oss inn i gamle lovforslag, og kasta oss over nye lovforslag, uttala oss i forbindelse med høyring, hatt møte på Stortinget og i Hordaland Fylkeskommune, besøkt fleire tilsvarande skuler og mykje mykje meir. Me har arbeida med å belysa flest mogleg sider ved tiltaket. Me føler oss godt rusta til å ta fatt på neste fase.

Prosjektgruppa for Haku har gjort to initiativ overfor Kvam herad, i samband med kommunen sitt budsjettarbeid for 2007:

Oppmoding om å ta nokre viktige steg i ei heilskapleg kulturell satsing

Lokkeveke i Kvam

Til orientering har Kvam herad vedteke følgjande:
  • Tre etableringsstipend a 50 000 til kunstnarar som etablerar seg i Kvam i 2007
  • Kvam herad arbeider med å skipa til ei lokkeveke for ca 20 stk kunstnarar som kan tenkja seg å busetja seg i Kvam, første helga i september 2007. (Interesserte kan venda seg til kultursjefen i Kvam herad, Lars Erik Klafstad tlf 56553000)
  • Kvam herad har sett av ein million på budsjettet for 2007 til kulturretta næring.
  • Kvam herad har vedteke å låna ut Fykse Skule gratis i eit år til prosjekt barselgrad, ei gruppe på fire kunstnarar. Prosjektet vil føregå frå september 2007 til september 2008.
  • Kvam herad har planar om å starta arbeidet med ein kulturell handlingsplan i 2007.

Anna Stina Næss, prosjektleiar, og Hanne Borgersen prosjektansvarleg.